«Pari Sen-Jermen» darvozaboni Janluiji Donnarumma klub bilan shartnomasini muddatidan avval bekor qilishga tayyor, deb xabar berdi jurnalist Ben Jeykobs ijtimoiy tarmoqda.
Jeykobs ma’lumotlariga ko‘ra, italiyalik posbon «PSJ»ni muddatidan oldin tark etishga tayyor, agar unga faoliyatini davom ettirish uchun boshqa klub topilmasa. Hozircha Donnarummaning vakillari unga qiziqish bildirgan «Galatasaroy» va «Manchester Yunayted» bilan «jiddiy muzokaralar» olib bormayapti. Shuningdek, Jeykobs ta’kidlashicha, Donnarumma navbatdagi klubni tanlashda "talabchan" bo‘ladi.
Avvalroq «PSJ» «Lill» klubidan darvozabon Lyuka Shevalyeni 40 million yevro evaziga xarid qilishga yaqin ekani ma’lum bo‘lgan edi. Jeykobs ma’lumotlariga ko‘ra, u asosiy darvozabon bo‘ladi.
2024/2025 yilgi mavsumda Donnarumma «PSJ» bilan Fransiya chempionati, Kubogi, Superkubogi va Chempionlar Ligasini yutib oldi. Italiyalik darvozabon barcha musobaqalarda 47 ta o‘yinda ishtirok etdi va 43 ta gol o‘tkazib yubordi.













