"Marsel"ning yangi a’zosi Igor Payshao yangi klubidagi maqsadlari haqida gapirdi. Provansliklar braziliyalik vingerni "Feyenoord"dan 30 mln yevroga sotib oldi. Transfer 1 avgust kuni e’lon qilindi.
"Tanlov menga oson bo‘ldi. "Marsel" - ajoyib klub, o‘tganimdan xursandman. Roberto de Dzerbi - top-murabbiy, biz yaxshi suhbatlashdik. O‘tmishda "Marsel"da Frank Riberi o‘ynagan - menda ham shunga o‘xshash xususiyatlar bor. U juda yaxshi edi va men uning yo‘lini takrorlamoqchiman," - deya 25 yoshli futbolchining so‘zlarini keltiradi jurnalist Alfredo Pedulla.
Frank Riberi 2005 yildan 2007 yilgacha "Marsel"da o‘ynagan, shundan so‘ng u Myunxenning "Bavariya" klubiga ko‘chib o‘tgan va u yerda 12 yil o‘tkazgan.
