"Марсель"нинг янги аъзоси Игор Пайшао янги клубидаги мақсадлари ҳақида гапирди. Провансликлар бразилиялик вингерни "Фейеноорд"дан 30 млн еврога сотиб олди. Трансфер 1 август куни эълон қилинди.
"Танлов менга осон бўлди. "Марсель" - ажойиб клуб, ўтганимдан хурсандман. Роберто де Дзерби - топ-мураббий, биз яхши суҳбатлашдик. Ўтмишда "Марсель"да Франк Рибери ўйнаган - менда ҳам шунга ўхшаш хусусиятлар бор. У жуда яхши эди ва мен унинг йўлини такрорламоқчиман," - дея 25 ёшли футболчининг сўзларини келтиради журналист Альфредо Педулла.
Франк Рибери 2005 йилдан 2007 йилгача "Марсель"да ўйнаган, шундан сўнг у Мюнхеннинг "Бавария" клубига кўчиб ўтган ва у ерда 12 йил ўтказган.
