"Yuventus" yarim himoyachisi Fabio Miretti "Napoli"ga o‘tishga yaqinlashdi. Yaqinda bo‘lib o‘tgan muzokaralar ijobiy ruhda o‘tdi, ammo yakuniy kelishuvga hali erishilmagan, deb yozadi insayder Janluka di Marsio. Neapolliklar 22 yoshli futbolchi uchun 14 mln yevro taklif qilishgan va xavbekni qo‘lga kiritish imkoniyatlarini yuqori baholashmoqda. Tez orada yangi muzokaralar bo‘lib o‘tadi.
Fabio Miretti o‘tgan mavsumni "Jenoa"da o‘tkazdi va u yerda ijara asosida to‘p tepdi. Italiyalik futbolchining "Yuventus" bilan shartnomasi 2028 yilgacha mo‘ljallangan bo‘lib, uning Transfermarkt portalidagi narxi o‘sha 14 mln yevroga baholanmoqda.
Turin grandi A Seriyaning o‘tgan mavsumida to‘rtinchi o‘rinni egalladi. "Napoli" chempion bo‘ldi.
