"Ювентус" ярим ҳимоячиси Фабио Миретти "Наполи"га ўтишга яқинлашди. Яқинда бўлиб ўтган музокаралар ижобий руҳда ўтди, аммо якуний келишувга ҳали эришилмаган, деб ёзади инсайдер Жанлука ди Марцио. Неаполликлар 22 ёшли футболчи учун 14 млн евро таклиф қилишган ва хавбекни қўлга киритиш имкониятларини юқори баҳолашмоқда. Тез орада янги музокаралар бўлиб ўтади.
Фабио Миретти ўтган мавсумни "Женоа"да ўтказди ва у ерда ижара асосида тўп тепди. Италиялик футболчининг "Ювентус" билан шартномаси 2028 йилгача мўлжалланган бўлиб, унинг Transfermarkt порталидаги нархи ўша 14 млн еврога баҳоланмоқда.
Турин гранди А Сериянинг ўтган мавсумида тўртинчи ўринни эгаллади. "Наполи" чемпион бўлди.
