"Palmeyras" Kelvenning SSKAdan transferini tasdiqladi.

24 yoshli himoyachi braziliyaliklar bilan 2030 yilgacha mo‘ljallangan shartnoma imzoladi.

Globo xabariga ko‘ra, transfer qiymati besh million yevroni tashkil qilgan.

Kellven 2023 yil sentyabr oyidan beri SSKA sharafini himoya qilib kelayotgandi. O‘shanda moskvaliklar futbolchini "Atletiko Paranaense"dan 4,5 million yevroga sotib olgandi.

Umuman olganda, braziliyalik futbolchi SSKA safida barcha musobaqalarda 63 ta o‘yin o‘tkazib, 5 ta gol urgan va 13 ta golli uzatmani amalga oshirgan.