"Yuventus" bosh murabbiyi Igor Tudor yarim himoyachi Fabio Mirettining sotilishiga taqiq qo‘ydi.
22 yoshli futbolchini "Napoli" o‘z safiga qo‘shib olmoqchi va so‘nggi vaqtlarda klublar o‘rtasidagi muzokaralar rivojlanib borayotgani haqida xabarlar tarqalgan edi. Tuttosport xabariga ko‘ra, Tudor kelishuvni bloklagan - xavbek mavsumoldi tayyorgarlik boshida uni hayratda qoldirgan. "Keksa sinyora" yetakchisi bo‘lajak kampaniyada yosh italiyalikka umid qilmoqda.
Qayd etilishicha, Tudor "Yuventus" uning pozisiyasiga boshqa futbolchini imzolagan taqdirdagina Mirettining sotilishini ma’qullashi mumkin.
Fabio Miretti o‘tgan mavsumni "Jenoa"da ijara asosida o‘tkazdi, uning turinliklar bilan shartnomasi 2028 yilgacha mo‘ljallangan.
