"Ювентус" бош мураббийи Игор Тудор ярим ҳимоячи Фабио Миреттининг сотилишига тақиқ қўйди.
22 ёшли футболчини "Наполи" ўз сафига қўшиб олмоқчи ва сўнгги вақтларда клублар ўртасидаги музокаралар ривожланиб бораётгани ҳақида хабарлар тарқалган эди. Tuttosport хабарига кўра, Тудор келишувни блоклаган - хавбек мавсумолди тайёргарлик бошида уни ҳайратда қолдирган. "Кекса синьора" етакчиси бўлажак кампанияда ёш италияликка умид қилмоқда.
Қайд этилишича, Тудор "Ювентус" унинг позициясига бошқа футболчини имзолаган тақдирдагина Миреттининг сотилишини маъқуллаши мумкин.
Фабио Миретти ўтган мавсумни "Женоа"да ижара асосида ўтказди, унинг туринликлар билан шартномаси 2028 йилгача мўлжалланган.
