"Brayton" yarim himoyachisi Mett O'Raylli transfer oynasi yopilgunga qadar Angliyani tark etishi mumkin.
Daniyalik futbolchining transferiga "Yuventus" qiziqish bildirmoqda, bu haqda avvalroq xabar berilgandi, shuningdek, 24 yoshli futbolchiga "Atalanta", "Roma" va "Marsel" klublari ham da’vogarlik qilmoqda, deb xabar beradi Football Italia. So‘nggi vaqtlardan buyon fransuz klubi xavbek uchun kurashda favorit bo‘lib kelmoqda.
O‘tgan yilning avgustida "Brayton" Mett O"Raylini Shotlandiyaning "Seltik" klubidan bonuslarsiz 29,5 mln yevroga sotib olgandi. Futbolchining "chaykalar" bilan mehnat shartnomasi 2029 yilning yarmigacha mo‘ljallangan. O‘tgan mavsumda yarim himoyachi 26 ta o‘yinda maydonga tushib, 2 ta gol va 4 ta golli uzatmaga mualliflik qildi.













