"Брайтон" ярим ҳимоячиси Мэтт О'Райлли трансфер ойнаси ёпилгунга қадар Англияни тарк этиши мумкин.

Даниялик футболчининг трансферига "Ювентус" қизиқиш билдирмоқда, бу ҳақда аввалроқ хабар берилганди, шунингдек, 24 ёшли футболчига "Аталанта", "Рома" ва "Марсель" клублари ҳам даъвогарлик қилмоқда, деб хабар беради Football Italia. Сўнгги вақтлардан буён француз клуби хавбек учун курашда фаворит бўлиб келмоқда.

Ўтган йилнинг августида "Брайтон" Мэтт О"Райлини Шотландиянинг "Селтик" клубидан бонусларсиз 29,5 млн еврога сотиб олганди. Футболчининг "чайкалар" билан меҳнат шартномаси 2029 йилнинг ярмигача мўлжалланган. Ўтган мавсумда ярим ҳимоячи 26 та ўйинда майдонга тушиб, 2 та гол ва 4 та голли узатмага муаллифлик қилди.