Yarim himoyachi Oriol Romeuning "Barselona" bilan shartnomasi bekor qilinishi mumkin. 33 yoshli futbolchi bosh murabbiy Xans-Diter Flikning rejalariga kiritilmagan.
"Ko‘k-anorranglilar" xavbekni transferga qo‘yishgan, biroq u hali hech kim bilan kelishuv tuzolmagan. Jurnalist Gabriel Sansning xabar berishicha, hozirgi vaqtda "Barselona" va Romeu mehnat shartnomasini muddatidan oldin bekor qilish shartlarini muhokama qilmoqda. O‘yinchi o‘ziga yangi klub topganida bepul qo‘yib yuborilishi kutilmoqda.
Oriol Romeuni o‘z safiga qo‘shib olishga "Jirona" va "Real Ovyedo" klublari qiziqish bildirmoqda. Ispaniyalik futbolchining "Barsa" bilan amaldagi shartnomasi kelasi yil yozida tugaydi.













