Madridning "Real" klubi bosh murabbiyi Xabi Alonso Endrikni jamoasining asosiy tarkibida ko‘rmayapti.
Braziliyalik futbolchi sobiq bosh murabbiy Karlo Anchelotti qo‘l ostida ham asosiy tarkibdan ko‘p o‘rin olmasdi va yangi masumda vaziyat keskin o‘zgarishi dargumon. Fichajes nashri tarqatgan xabarga ko‘ra Alonso 19 yoshli hujumchiga kelgusi mavsumda muhim rol ajratishni rejalashtirmayapti. Klub futbolchini ijaraga olish bo‘yicha takliflarni ko‘rib chiqishga tayyor.
Mish-mishlarga ko‘ra, Endrik ijara asosida "Real Sosyedad"ga o‘tishga yaqin edi, ammo uning jarohati tufayli kelishuv barbod bo‘ldi. Hujumchining "qaymoqranglilar" bilan shartnomasi 2030 yilning yoziga qadar mo‘ljallangan.
