Ayni damda "Bavariya" va "Tottenxem" yangi mavsumga tayyorgarlik doirasida kuch sinashishmoqda.

12-daqiqadayoq myunxenliklar hujumchisi Harri Keyn sobiq jamoasi darvozasiga gol urdi. Ma’lum sabablarga ko‘ra, ingliz futbolchisi golni nishonlamadi.

Oradan bir necha daqiqa o‘tib Keyn dubl qayd etish uchun ajoyib imkoniyatga ega bo‘ldi, biroq u penaltini amalga oshira olmadi.

Hujumchining tayanch oyog‘i sirg‘alib ketdi va u mo‘ljalda adashdi. Xarri Keyn ko‘p yillar davomida "Tottenxem" sharafini himoya qilgan.