"Ayaks" himoya chizig‘ini yangi futbolchi bilan kuchaytirdi. Niderlandiya klubiga ilgari Myonxengladbaxning "Borussiya" klubida o‘ynagan Ko Itakura ko‘chib o‘tdi. Bu haqda "Ayaks" matbuot xizmati jamoa saytida ma’lum qildi.
Yaponiya terma jamoasi futbolchisi bilan 4 yillik mehnat shartnomasi imzolandi. Shartnoma yana bir yilga uzaytirish imkoniyatini o‘z ichiga oladi.
Itakura o‘tgan mavsumda "Borussiya" safida barcha musobaqalarda 33 ta o‘yinda maydonga tushib, 4 ta gol urgan va 1 ta golga hammualliflik qilgan.
Yaponiyalik futbolchining Niderlandiya chempionatidagi debyuti 10 avgust kuni bo‘lib o‘tishi mumkin. "Ayaks" o‘z maydonida "Telstar"ni qabul qiladi.
