"Аякс" ҳимоя чизиғини янги футболчи билан кучайтирди. Нидерландия клубига илгари Мёнхенгладбахнинг "Боруссия" клубида ўйнаган Ко Итакура кўчиб ўтди. Бу ҳақда "Аякс" матбуот хизмати жамоа сайтида маълум қилди.
Япония терма жамоаси футболчиси билан 4 йиллик меҳнат шартномаси имзоланди. Шартнома яна бир йилга узайтириш имкониятини ўз ичига олади.
Итакура ўтган мавсумда "Боруссия" сафида барча мусобақаларда 33 та ўйинда майдонга тушиб, 4 та гол урган ва 1 та голга ҳаммуаллифлик қилган.
Япониялик футболчининг Нидерландия чемпионатидаги дебюти 10 август куни бўлиб ўтиши мумкин. "Аякс" ўз майдонида "Телстар"ни қабул қилади.
