"Barselona" darvozaboni Mark-Andre ter Shtegen jamoa sardori bo‘lib qolmoqda.
Payshanba kuni klub 33 yoshli futbolchi uzoq muddatli jarohati bo‘yicha tibbiy xulosani imzolashdan bosh tortgani uchun vaqtincha sardorlik maqomidan mahrum bo‘lganini ma’lum qildi. Endi tomonlar vaziyatni hal qilishga muvaffaq bo‘lishdi: darvozabon baribir hujjatni imzoladi - "Barselona" xulosani La Ligaga yuborishi mumkin. Bu haqda "ko‘k-anorranglilar" rasmiy saytidagi bayonotda aytiladi. Intizomiy ish yopildi, o‘yinchiga sardorlik maqomi qaytarildi.
Eslatib o‘tamiz, 7 avgust kuni "Barselona"ning vaqtinchalik sardori etib markaziy himoyachi Ronald Arauxo tayinlangan edi.













