"Барселона" дарвозабони Марк-Андре тер Штеген жамоа сардори бўлиб қолмоқда.

Пайшанба куни клуб 33 ёшли футболчи узоқ муддатли жароҳати бўйича тиббий хулосани имзолашдан бош тортгани учун вақтинча сардорлик мақомидан маҳрум бўлганини маълум қилди. Энди томонлар вазиятни ҳал қилишга муваффақ бўлишди: дарвозабон барибир ҳужжатни имзолади - "Барселона" хулосани Ла Лигага юбориши мумкин. Бу ҳақда "кўк-анорранглилар" расмий сайтидаги баёнотда айтилади. Интизомий иш ёпилди, ўйинчига сардорлик мақоми қайтарилди.

Эслатиб ўтамиз, 7 август куни "Барселона"нинг вақтинчалик сардори этиб марказий ҳимоячи Рональд Араухо тайинланган эди.