Hujumchi Arno Danjuma "Valensiya" futbolchisiga aylandi. Klub o‘zining rasmiy saytida niderlandiyalik futbolchi bilan uch mavsumga - 2028 yilning yarmigacha shartnoma imzolaganini e’lon qildi.

28 yoshli Danjuma "Vilyarreal"dan "Valensiya"ga o‘tgan. Shu bilan birga, hujumchi o‘tgan mavsumda "Jirona"da ijara asosida o‘ynagan.

Ispaniya La Ligasida Arno Danjuma 61 ta o‘yin o‘tkazib, 16 ta gol urgan va sheriklariga 3 ta golli uzatmani amalga oshirgan.

Ispaniya chempionatining 1-turida "Valensiya" o‘z maydonida "Real Sosyedad"ni qabul qiladi. O‘yin 16 avgust kuni bo‘lib o‘tadi.