"Chelsi" forvardi David Datro Fofana faoliyatini Fransiya chempionatida davom ettirishi mumkin. Futbolchiga "Nissa" va "Tuluza" qiziqmoqda. Bu haqda L'Equipe xabar bermoqda.
Manbaga ko‘ra, fransuz klublari "Chelsi" bilan transfer tafsilotlarini muhokama qilmoqda. "Tuluza" hujumchi uchun 4-5 mln yevro berishga tayyor, ammo klub Fofananing maosh bo‘yicha talablarini qondira olishiga ishonchi komil emas.
"Nissa" forvardni sotib olish huquqi bilan ijaraga olmoqchi, ammo "Chelsi" rahbariyati ivuarlik futbolchini to‘liq sotib yubormoqchi.
O‘tgan mavsumda Fofana Turkiyaning "Gyoztepe" klubi safida to‘qqizta o‘yinda maydonga tushib, ikkita gol urgan. Qishda "Chelsi" hujumchining ijarasini muddatidan oldin to‘xtatib, uni London klubiga qaytardi.
