"Челси" форварди Давид Датро Фофана фаолиятини Франция чемпионатида давом эттириши мумкин. Футболчига "Ницца" ва "Тулуза" қизиқмоқда. Бу ҳақда L'Equipe хабар бермоқда.
Манбага кўра, француз клублари "Челси" билан трансфер тафсилотларини муҳокама қилмоқда. "Тулуза" ҳужумчи учун 4-5 млн евро беришга тайёр, аммо клуб Фофананинг маош бўйича талабларини қондира олишига ишончи комил эмас.
"Ницца" форвардни сотиб олиш ҳуқуқи билан ижарага олмоқчи, аммо "Челси" раҳбарияти ивуарлик футболчини тўлиқ сотиб юбормоқчи.
Ўтган мавсумда Фофана Туркиянинг "Гёзтепе" клуби сафида тўққизта ўйинда майдонга тушиб, иккита гол урган. Қишда "Челси" ҳужумчининг ижарасини муддатидан олдин тўхтатиб, уни Лондон клубига қайтарди.
