La Liga rahbari Xavyer Tebas anchadan buyon Ispaniya chempionati o‘yinini AQSHda tashkil etishni istaydi. Sport nashrining xabar berishicha, Tebasning g‘oyasi amalga oshirish yo‘lida bir qadam tashlagan. Shu tariqa, AQSHda La Liganing "Vilyarreal" va "Barselona" o‘rtasidagi o‘yini bo‘lib o‘tishi mumkin.
Gap Ispaniya chempionatining 17-turidan o‘rin olgan 21 dekabr kungi o‘yin haqida ketmoqda. Bu davrda Chempionlar Ligasi o‘yinlari yo‘qligini hisobga olsak, o‘yinni xorijda o‘tkazish qulay bo‘ladi.
Bu masalani Ispaniya futbolining yuqori mansabdor shaxslari muhokama qilishda davom etishadi. Ispaniya tashqarisida La Liga tarixidagi birinchi o‘yinni kelishish va tashkil etish uchun hali ko‘p vaqt bor.
