Ла Лига раҳбари Хавьер Тебас анчадан буён Испания чемпионати ўйинини АҚШда ташкил этишни истайди. Sport нашрининг хабар беришича, Тебаснинг ғояси амалга ошириш йўлида бир қадам ташлаган. Шу тариқа, АҚШда Ла Лиганинг "Вильярреал" ва "Барселона" ўртасидаги ўйини бўлиб ўтиши мумкин.
Гап Испания чемпионатининг 17-туридан ўрин олган 21 декабрь кунги ўйин ҳақида кетмоқда. Бу даврда Чемпионлар Лигаси ўйинлари йўқлигини ҳисобга олсак, ўйинни хорижда ўтказиш қулай бўлади.
Бу масалани Испания футболининг юқори мансабдор шахслари муҳокама қилишда давом этишади. Испания ташқарисида Ла Лига тарихидаги биринчи ўйинни келишиш ва ташкил этиш учун ҳали кўп вақт бор.
