"Brentford" sharafini himoya qilayotgan Natan Kollinz Angliya grandlaridan biri safiga o‘tishi mumkin. Bu haqda Football Insider jurnalistlariga ma’lum qilindi.
Manbaga ko‘ra, 24 yoshli irlandiyalik futbolchining transferiga "Liverpul" qiziqish bildirmoqda. Ammo "Brentford" yozgi transferlar davrida yetakchilardan biri bilan xayrlashishni istamayapti.
O‘tgan mavsumda himoyachi 42 ta uchrashuvda maydonga tushib, 2 ta gol va 5 ta golli uzatmani o‘z hisobiga yozdirib qo‘ydi. Kollinzning shartnomasi 2029 yilning yarmigacha mo‘ljallangan bo‘lib, uning bozor narxi 28 million yevroga baholanmoqda.
