"Брентфорд" шарафини ҳимоя қилаётган Натан Коллинз Англия грандларидан бири сафига ўтиши мумкин. Бу ҳақда Football Insider журналистларига маълум қилинди.
Манбага кўра, 24 ёшли ирландиялик футболчининг трансферига "Ливерпуль" қизиқиш билдирмоқда. Аммо "Брентфорд" ёзги трансферлар даврида етакчилардан бири билан хайрлашишни истамаяпти.
Ўтган мавсумда ҳимоячи 42 та учрашувда майдонга тушиб, 2 та гол ва 5 та голли узатмани ўз ҳисобига ёздириб қўйди. Коллинзнинг шартномаси 2029 йилнинг ярмигача мўлжалланган бўлиб, унинг бозор нархи 28 миллион еврога баҳоланмоқда.
