Hujumchi Jakomo Raspadori yaqinda "Napoli"dan Madridning "Atletiko" klubiga o‘tdi. Transfer dushanba kuni rasman tasdiqlandi, bitim qiymati 22 mln yevroga baholanmoqda.
25 yoshli forvardning ketishi haqidagi xabarga ko‘p o‘tmay neapolliklar sardori Jovanni di Lorenso munosabat bildirdi.
"Bizga sening muhim gollaring endi yetishmaydi, Jakomino. Keyingi faoliyatingda omad tilayman!," - deya neapolliklar himoyachisining so‘zlarini keltiradi jurnalist Alfredo Pedulla.
Jakomo Raspadori "Napoli"da uch yil o‘tkazdi va bu vaqt ichida jamoa bilan ikkita skudetto yutishga muvaffaq bo‘ldi. Futbolchi barcha turnirlarda Italiyaning amaldagi chempionlari safida 109 ta o‘yinda maydonga tushib, 18 ta gol urgan va o‘nta golli uzatmani amalga oshirgan.
