Bugun OFKning klublar o‘rtasidagi yangi mavsumi start oladi va kutilganidek, o‘zbekistonlik referilar xalqaro turnirlar hamda uchrashuvlarda faoliyat yuritishadi.

Qatarning "Suhaym bin Hamad" stadionida OFK Chaqiruv ligasi saralash bosqichi doirasida "Karamah" (Suriya) va "Bashundhara Kings" (Bangladesh) jamoalari o‘zaro bahs olib boradi.

Ushbu uchrashuvda o‘zbekistonlik hakamlar brigadasi ishlaydi: bosh hakam – Firdavs Norsafarov, yordamchi hakamlar – Ruslan Serazitdinov va Alisher Usmonov, to‘rtinchi hakam – Akobirxo‘ja Shukurullayev.

Shuningdek, OFK Elit Chempionlar ligasi G‘arb mintaqasining guruh bosqichida ishtirok etuvchi 12-jamoani aniqlab beradigan "Duhayl" (Qatar) – "Sepaxon" (Eron) uchrashuvida tajribali mutaxassis – Vladislav Seytlin hakamlar nazoratchisi sifatida ish olib boradi.