Бугун ОФКнинг клублар ўртасидаги янги мавсуми старт олади ва кутилганидек, ўзбекистонлик реферилар халқаро турнирлар ҳамда учрашувларда фаолият юритишади.

Қатарнинг "Суҳайм бин Ҳамад" стадионида ОФК Чақирув лигаси саралаш босқичи доирасида "Карамаҳ" (Сурия) ва "Башундҳара Кингс" (Бангладеш) жамоалари ўзаро баҳс олиб боради.

Ушбу учрашувда ўзбекистонлик ҳакамлар бригадаси ишлайди: бош ҳакам – Фирдавс Норсафаров, ёрдамчи ҳакамлар – Руслан Серазитдинов ва Алишер Усмонов, тўртинчи ҳакам – Акобирхўжа Шукуруллаев.

Шунингдек, ОФК Элит Чемпионлар лигаси Ғарб минтақасининг гуруҳ босқичида иштирок этувчи 12-жамоани аниқлаб берадиган "Дуҳайл" (Қатар) – "Сепахон" (Эрон) учрашувида тажрибали мутахассис – Владислав Цейтлин ҳакамлар назоратчиси сифатида иш олиб боради.