"Liverpul" vingeri Federiko Kyeza ko‘plab mish-mishlarga qaramay, klubda qolishi mumkin. Turli manbalarga ko‘ra, "qizillar" o‘tgan mavsumdagi muvaffaqiyatsizlikdan so‘ng vataniga qaytmoqchi bo‘lgan italiyalik futbolchi bilan xayrlashishni rejalashtirgan edi. La Gazzetta dello Sport nashri xabariga ko‘ra, Kyeza kuni kecha Arne Slot bilan to‘g‘ridan-to‘g‘ri muloqot qilgan va murabbiy unga hujum chizig‘idagi variantlardan biri sifatida ishonch bildirgan. Futbolchining agenti ham mersisaydliklar rahbariyatiga murojaat qilganida xuddi shunday javob oldi.
Qayd etilishicha, Federiko Kyeza ketadigan bo‘lsa, "Liverpul"ning hujum qanotlarida juda kam variant qoladi, shu bois ayni damda rahbariyat va murabbiy 27 yoshli futbolchini saqlab qolishga qaror qilgan.
