"Ливерпуль" вингери Федерико Кьеза кўплаб миш-мишларга қарамай, клубда қолиши мумкин. Турли манбаларга кўра, "қизиллар" ўтган мавсумдаги муваффақиятсизликдан сўнг ватанига қайтмоқчи бўлган италиялик футболчи билан хайрлашишни режалаштирган эди. La Gazzetta dello Sport нашри хабарига кўра, Кьеза куни кеча Арне Слот билан тўғридан-тўғри мулоқот қилган ва мураббий унга ҳужум чизиғидаги вариантлардан бири сифатида ишонч билдирган. Футболчининг агенти ҳам мерсисайдликлар раҳбариятига мурожаат қилганида худди шундай жавоб олди.
Қайд этилишича, Федерико Кьеза кетадиган бўлса, "Ливерпуль"нинг ҳужум қанотларида жуда кам вариант қолади, шу боис айни дамда раҳбарият ва мураббий 27 ёшли футболчини сақлаб қолишга қарор қилган.
