"Torino" "Inter" yarim himoyachisi Kristyan Asllani bilan shartnoma imzolashga qiziqish bildirgan yana bir klubga aylandi. Bu haqda Football Italia xabar bermoqda.
Ilgari, 23 yoshli albaniyalik futbolchiga "Bolonya" va "Fiorentina" da’vogarlik qilayotgani ma’lum bo‘lgan edi. Bu muzokaralar "Torino" uchun juda murakkab kechishi kutilmoqda, chunki "Inter" o‘yinchini arzon narxda qo‘yib yuborishni istamayapti.
Asllani Hakan Chalxanog‘luning o‘rinbosari edi va Petar Suchich bilan shartnoma imzolangandan so‘ng, u "neradzurri"lar asosiy tarkibiga kirish imkoniyatlarini butunlay yo‘qotishi mumkin.
U o‘tgan mavsumda 39 ta o‘yinda maydonga tushdi, 3 ta gol urdi va 9 ta golli uzatma berdi.
