"Торино" "Интер" ярим ҳимоячиси Кристьян Асллани билан шартнома имзолашга қизиқиш билдирган яна бир клубга айланди. Бу ҳақда Football Italia хабар бермоқда.
Илгари, 23 ёшли албаниялик футболчига "Болонья" ва "Фиорентина" даъвогарлик қилаётгани маълум бўлган эди. Бу музокаралар "Торино" учун жуда мураккаб кечиши кутилмоқда, чунки "Интер" ўйинчини арзон нархда қўйиб юборишни истамаяпти.
Асллани Ҳакан Чалханоғлунинг ўринбосари эди ва Петар Сучич билан шартнома имзолангандан сўнг, у "нерадзурри"лар асосий таркибига кириш имкониятларини бутунлай йўқотиши мумкин.
У ўтган мавсумда 39 та ўйинда майдонга тушди, 3 та гол урди ва 9 та голли узатма берди.
