"Liverpul" "Kristal Pelas" va Angliya terma jamoasi himoyachisi Mark Gexini qo‘lga kiritish uchun sa’y-harakatlarini kuchaytirdi.

BBC o‘z manbalariga tayanib xabar berishicha, mersisaydliklar klubi 25 yoshli Gexi bo‘yicha dastlabki muzokaralarni o‘tkazgan.

O‘tgan yili "Liverpul" Gexi uchun 65 million funt sterlinggacha taklif qilgan edi, ammo kelishuv amalga oshmay qoldi.

Endi “Kristal Pelas” himoyachi uchun 40 million funt sterling (taxminan 46 million yevro) olmoqchi, ammo “qizillar” kamroq to‘lashga tayyor.