"PSJ"ning rossiyalik darvozaboni Matvey Safonov jamoani qanday shartlar asosida tark etishini aytdi.
Eslatib o‘tamiz, avvalroq parijliklar rahbariyati rossiyalik futbolchi Janluiji Donnarumma ketgan taqdirda ham asosiy darvozabon bo‘lmasligini ma’lum qilgandi.
Safonov Parijda qolishni istamoqda, biroq klubning o‘zi iltimos qilsa yoki Yevropa grandlaridan biri unga asosiy tarkibdan joy kafolatlasa, ketish variantini ko‘rib chiqishga tayyor, deb yozadi L'Equipe.
Qayd etilishicha, Safonov klubni mustaqil tark etishni o‘zining kuchsizligi sifatida baholamoqda, shuning uchun u Parij klubining asosiy tarkibidan joy olish uchun kurashishga tayyor.
Avvalroq Donnarumma "PSJ"ni aniq tark etishi ma’lum bo‘lgandi. Katta ehtimol bilan italiyalik faoliyatini "Manchester Siti"da davom ettiradi.













