Janluidji Donnarummaning agenti Enso Rayola "Pari Sen-Jermen"ning o‘z mijoziga bo‘lgan munosabatidan norozi.
Tomonlar shartnomani uzaytirish haqida kelisha olmadi. Kelishuv muddati kelasi yilning yozida tugaydi, biroq darvozabon shu oyda klubni tark etadi, bu haqda u yaqinda ma’lum qildi.
"Biz "PSJ" harakatlaridan shokdamiz. Klub to‘rt yillik hamkorlikdan so‘ng hech qanday hurmat ko‘rsatmadi. Janluidji maoshni qisqartirishga tayyor edi, ammo klub taklif qilingan shartlarni yana o‘zgartirdi," - dedi Enso Rayola Sky Sport bilan suhbatda.
Endi Parij grandida Lyuka Shevalye asosiy darvozabon bo‘ladi.
