Madridning "Real" klubi chap qanot himoyachisi Alvaro Karreras jamoadagi ilk o‘yinidan keyin o‘z fikrlarini bildirdi.
Ispaniyalik futbolchining norasmiy debyuti Avstriyaning "Tirol" klubiga qarshi o‘rtoqlik uchrashuvida bo‘lib o‘tdi va "qaymoqranglilar"ning 4:0 hisobidagi g‘alabasi bilan yakunlandi. Yangi o‘yinchi asosiy tarkibda maydonga tushib, 63 daqiqa harakat qildi.
"Real" libosini kiyish men uchun katta sharaf. Jamoada meni zo‘r qabul qilishdi, hech qanday muammo yo‘q, mavsumga astoydil tayyorgarlik ko‘rishda davom etishim kerak. O‘rtoqlik uchrashuvi bo‘ladimi yoki yo‘qmi - farqi yo‘q, biz uchun muhim o‘yin bo‘ldi. Har doim g‘alaba va rivojlanishga intilish kerak. Murabbiyning talablariga moslashyapman. Biz qanday o‘ynashimiz kerakligi haqida aniq tasavvurga egamiz, lekin asosiysi - g‘alaba qozonish," - dedi Karreras intervyuda.
Eslatib o‘tamiz, "Real" iyul oyida "Benfika"dan lateralni 50 mln yevroga sotib olgan edi.
