Madridning "Real" klubi bosh murabbiyi Xabi Alonso yarim himoya markazida David Alabani o‘ynatishga qaror qildi.
Avvallari avstriyalik futbolchi o‘zining universalligi bilan mashhur bo‘lgan, biroq "Real"ga o‘tganidan buyon uni asosan himoya markazida, faqat ba’zida chap qanotda sinab ko‘rishgan. Alonso tayinlanganidan keyin vaziyat o‘zgardi: endi 33 yoshli futbolchi yana tayanch zonasida o‘ynamoqda.
"Bu butunlay boshqa tajriba. Men avval ham yarim himoyada o‘ynaganman, bu pozisiya menga tanish, ammo o‘shandan beri ko‘p yillar o‘tdi," - deya javob berdi Alaba murabbiyning qarori haqidagi savolga.
Seshanba kungi o‘rtoqlik o‘yinida "Real" Avstriyaning "Tirol" klubini yirik hisobda mag‘lub etdi (4:0). Uchrashuvning 62-daqiqasida David Alaba zaxiradan maydonga tushdi.
