Мадриднинг "Реал" клуби бош мураббийи Хаби Алонсо ярим ҳимоя марказида Давид Алабани ўйнатишга қарор қилди.
Авваллари австриялик футболчи ўзининг универсаллиги билан машҳур бўлган, бироқ "Реал"га ўтганидан буён уни асосан ҳимоя марказида, фақат баъзида чап қанотда синаб кўришган. Алонсо тайинланганидан кейин вазият ўзгарди: энди 33 ёшли футболчи яна таянч зонасида ўйнамоқда.
"Бу бутунлай бошқа тажриба. Мен аввал ҳам ярим ҳимояда ўйнаганман, бу позиция менга таниш, аммо ўшандан бери кўп йиллар ўтди," - дея жавоб берди Алаба мураббийнинг қарори ҳақидаги саволга.
Сешанба кунги ўртоқлик ўйинида "Реал" Австриянинг "Тирол" клубини йирик ҳисобда мағлуб этди (4:0). Учрашувнинг 62-дақиқасида Давид Алаба захирадан майдонга тушди.
