14 avgust, payshanba kuni Madridning “Real” klubi o‘zining yangi futbolchisi, argentinalik yarim himoyachi Franko Mastantuononi rasman tanishtiradi.
Tadbir 16:00da boshlanadi. Avvaliga klub prezidenti Florentino Peres futbolchi bilan 6 yillik shartnoma imzolash marosimini o‘tkazadi, shundan so‘ng yangi kelgan futbolchi "Santyago Bernabeu"da muxlislar va jurnalistlar qarshisiga chiqadi.
Mastantuono «Real» uning tovon puli 45 million yevroni faollashtirganidan so‘ng «River Pleyt»dan «Los-Blankos»ga o‘tdi.
