Arne Slot Florian Virsni yetuk o‘yinchi sifatida ko‘radi.
22 yoshli yarim himoyachi yozda "Bayer"dan "Liverpul"ga o‘tgan edi.
"Aslida biz uni yosh futbolchi deb hisoblashimiz mumkin, lekin men bunday deb hisoblamayman. U Germaniya kubogi va chempionatida g‘olib chiqdi, uning asosiy kuchi mentalitetda.
Bu ko‘p narsani anglatadi, chunki uning o‘yinini ko‘rganingizda, u juda kreativ. U psixologik jihatdan kuchli, uni na transfer narxi, na boshqa narsa chalg‘itadi.
Yaxshi o‘yinchilar har doim yaxshi jamoalarda munosib o‘ynash yo‘lini topishadi. U Angliyaga, ligaga, uning darajasiga va jamoadoshlariga moslashishi kerak. Uning moslashuvi allaqachon ancha yaxshi, hatto biz kutgandan ham yaxshiroq o‘tdi," - dedi "Liverpul" bosh murabbiyi.
