Арне Слот Флориан Вирцни етук ўйинчи сифатида кўради.

22 ёшли ярим ҳимоячи ёзда "Байер"дан "Ливерпуль"га ўтган эди.

"Аслида биз уни ёш футболчи деб ҳисоблашимиз мумкин, лекин мен бундай деб ҳисобламайман. У Германия кубоги ва чемпионатида ғолиб чиқди, унинг асосий кучи менталитетда.

Бу кўп нарсани англатади, чунки унинг ўйинини кўрганингизда, у жуда креатив. У психологик жиҳатдан кучли, уни на трансфер нархи, на бошқа нарса чалғитади.

Яхши ўйинчилар ҳар доим яхши жамоаларда муносиб ўйнаш йўлини топишади. У Англияга, лигага, унинг даражасига ва жамоадошларига мослашиши керак. Унинг мослашуви аллақачон анча яхши, ҳатто биз кутгандан ҳам яхшироқ ўтди," - деди "Ливерпуль" бош мураббийи.