"Manchester Yunayted" forvardi Rasmus Xyoylund faoliyatini davom ettirish uchun yana bir variantga ega bo‘ldi. Daniyalik futbolchiga "Fulxem" qiziqish bildirgan. Bu haqda Daily Mail xabar bermoqda.

Manbaga ko‘ra, "Fulxem" rahbariyati Xyoylundni o‘z safiga qo‘shib olishga qarshi emas, ammo hozircha rasmiy taklif bilan chiqmaydi. Klub hujumchining o‘zi ham londonliklar safiga qo‘shilishni istayotganiga ishonch hosil qilmoqchi.

Mish-mishlarga ko‘ra, yaqinda "Manchester Yunayted" Xyoylundga murabbiylar shtabi kelgusi mavsumda unga ishonch bildirmasligini ma’lum qilgan. Hozirda futbolchi "Milan" bilan muzokaralar olib bormoqda.