"Манчестер Юнайтед" форварди Расмус Хёйлунд фаолиятини давом эттириш учун яна бир вариантга эга бўлди. Даниялик футболчига "Фулхэм" қизиқиш билдирган. Бу ҳақда Daily Mail хабар бермоқда.
Манбага кўра, "Фулхэм" раҳбарияти Хёйлундни ўз сафига қўшиб олишга қарши эмас, аммо ҳозирча расмий таклиф билан чиқмайди. Клуб ҳужумчининг ўзи ҳам лондонликлар сафига қўшилишни истаётганига ишонч ҳосил қилмоқчи.
Миш-мишларга кўра, яқинда "Манчестер Юнайтед" Хёйлундга мураббийлар штаби келгуси мавсумда унга ишонч билдирмаслигини маълум қилган. Ҳозирда футболчи "Милан" билан музокаралар олиб бормоқда.
