Yaqinda "Real" seleksion xizmati "Kristal Pelas" yarim himoyachisi Adam Uortonni kuzatib borayotgani haqida xabarlar tarqaldi. Ma’lum bo‘lishicha, madridliklar ushbu transfer bo‘yicha faol ish boshlagan.
Daily Mail xabariga ko‘ra, "qaymoqranglilar" rahbariyati "Kristal Pelas" bilan xavbek transferi bo‘yicha muzokaralarni boshlagan. Ispan klubi o‘tgan yili "Real"ni tark etgan Toni Kroosga o‘rinbosar topmoqchi. Shu bilan birga, inglizlar futbolchi bilan xayrlashmoqchi emas. Uortonning o‘zi ham Angliyadan ketishga shoshilmayapti.
O‘tgan mavsumda 21 yoshli ingliz "Kristal Pelas" yarim himoya chizig‘ining yetakchisiga aylandi. Uning hisobida barcha turnirlarda 27 ta o‘yin va ikkita golli uzatma bor. Uortonning amaldagi kelishuvi 2029 yilgacha mo‘ljallangan.
