"Milan"ning shveysariyalik yangi a’zosi Ardon Yashari Sharl de Ketelare bilan taqqoslash haqidagi savolga javob berdi.
2022 yilning yozida Sharl xuddi Yashari bilan sodir bo‘lganidek "Bryugge"dan "Milan"ga o‘tgandi. Ammo de Ketelare "rossonerilar" safida muvaffaqiyatsizlikka uchradi va bir yil o‘tar-o‘tmas "Atalanta"ga sotildi.
"Biz de Ketelare bilan bir-birimizdan farq qilamiz, men boshqa pozisiyada o‘ynayapman, xarakterlarimiz turlicha. Men o‘zimni u bilan solishtirmayman. Uning o‘z karyerasi bor, meniki ham. Bosim, inkor etmayman, sezilmoqda," - deya Yashari so‘zlarini keltiradi pianetamilan.
Italiya chempionati kelasi haftadan boshlanadi, birinchi turda "Milan" "Kremoneze" bilan o‘ynaydi.













