"Милан"нинг швейцариялик янги аъзоси Ардон Яшари Шарль де Кетеларе билан таққослаш ҳақидаги саволга жавоб берди.
2022 йилнинг ёзида Шарль худди Яшари билан содир бўлганидек "Брюгге"дан "Милан"га ўтганди. Аммо де Кетеларе "россонерилар" сафида муваффақиятсизликка учради ва бир йил ўтар-ўтмас "Аталанта"га сотилди.
"Биз де Кетеларе билан бир-биримиздан фарқ қиламиз, мен бошқа позицияда ўйнаяпман, характерларимиз турлича. Мен ўзимни у билан солиштирмайман. Унинг ўз карьераси бор, меники ҳам. Босим, инкор этмайман, сезилмоқда," - дея Яшари сўзларини келтиради pianetamilan.
Италия чемпионати келаси ҳафтадан бошланади, биринчи турда "Милан" "Кремонезе" билан ўйнайди.
