Nikolo Skiraning ma’lum qilishicha, o‘tgan haftada "Napoli" "Yuventus"ga Fabio Miretti bo‘yicha taklif bilan chiqqan.
Italiyaning amaldagi chempioni 22 yoshli yarim himoyachi uchun 12 million yevro + yana 2 mln bonus taklif qilgandi, ammo turinliklarga bu summa ma’qul kelmadi.
Manbaning ta’kidlashicha, endi Fabio Igor Tudor jamoasida qolishi mumkin.
O‘tgan mavsumda futbolchi "Jenoa" safida ijara asosida to‘p tepgan va 26 ta o‘yinda 3 ta gol va 3 ta golli uzatmaga mualliflik qilgan.













