"Liverpul" klubi qanot hujumchisi Ben Doak faoliyatini Angliyaning boshqa klubida davom ettirishi kutilmoqda. Yosh futbolchi "Bornmut"ga o‘tishga yaqin turibdi. Bu haqda Sky Sports xabar bermoqda.
Manbaga ko‘ra, klublar muzokaralarning yakuniy bosqichida. Transfer qiymati 29 mln yevroni tashkil etadi.
Ushbu transfer oynasida Doakka APLning bir qator klublari, shuningdek, "Portu" va "Shtutgart" qiziqish bildirayotgandi.
O‘tgan mavsumda 19 yoshli vinger mersisaydliklar safida 24 ta o‘yinda maydonga tushib, 3 ta gol urdi va 7 ta golli uzatmani amalga oshirdi. Transfermarkt ma’lumotlariga ko‘ra, shotlandiyalikning narxi - 14 mln yevro.
