"Barselona" "Liverpul" markaziy himoyachisi Ibraima Konatega da’vogarlar ro‘yxatiga qo‘shildi.

26 yoshli futbolchining shartnomasi joriy mavsum yakunlangach o‘z nihoyasiga yetadi va boshqa klublar fransiyalik futbolchini erkin agent sifatida qo‘lga kiritish ilinjida vaziyatni diqqat bilan kuzatib bormoqda. Bunday klublar orasida "Barselona" ham bor: Sempre Barca xabariga ko‘ra, "ko‘k-anorranglilar" Konate vakillari bilan bog‘lanib, hamkorlik shartlari haqida so‘rashgan. Futbolchi kataloniyaliklar safiga o‘tish uchun ochiq ekanini ma’lum qildi.

Ibraima Konate uchun asosiy da’vogar "Real" bo‘lib, u shu yozdayoq futbolchini sotib olish imkoniyatini ko‘rib chiqmoqda.