Bundan roppa-rosa 20 yil muqaddam, 2005 yilning 17 avgustida Lionel Messi Argentina terma jamoasi safida ilk bor maydonga tushdi. Bu Vengriyaga qarshi o‘rtoqlik o‘yinida sodir bo‘ldi.
Messining debyuti salbiy, ammo esda qolarli chiqdi. Leo 64-daqiqada zaxiradan maydonga tushdi va 65-daqiqadayoq qizil kartochka oldi. Messi qo‘li bilan raqibining tomog‘iga zarba bergani uchun maydondan chetlatildi.
Bugungi kunga qadar Lionel Messi Argentina terma jamoasi safida 193 ta o‘yin o‘tkazdi. Ularda yulduz hujumchi 112 ta gol urdi va sheriklariga 61 ta golli uzatmani amalga oshirdi.
Messi Argentina terma jamoasi bilan ikki marta Amerika Kubogini qo‘lga kiritgan va jahon chempioni bo‘lgan.
