Бундан роппа-роса 20 йил муқаддам, 2005 йилнинг 17 августида Лионель Месси Аргентина терма жамоаси сафида илк бор майдонга тушди. Бу Венгрияга қарши ўртоқлик ўйинида содир бўлди.

Мессининг дебюти салбий, аммо эсда қоларли чиқди. Лео 64-дақиқада захирадан майдонга тушди ва 65-дақиқадаёқ қизил карточка олди. Месси қўли билан рақибининг томоғига зарба бергани учун майдондан четлатилди.

Бугунги кунга қадар Лионель Месси Аргентина терма жамоаси сафида 193 та ўйин ўтказди. Уларда юлдуз ҳужумчи 112 та гол урди ва шерикларига 61 та голли узатмани амалга оширди.

Месси Аргентина терма жамоаси билан икки марта Америка Кубогини қўлга киритган ва жаҳон чемпиони бўлган.